ثُمَّ تَوَلَّيْتُمْ مِنْ بَعْدِ ذَلِكَ فَلَوْلَا فَضْلُ اللَّهِ عَلَيْكُمْ وَرَحْمَتُهُ لَكُنْتُمْ مِنَ الْخَاسِرِينَ ﴿۶۴﴾ وَلَقَدْ عَلِمْتُمُ الَّذِينَ اعْتَدَوْا مِنْكُمْ فِي السَّبْتِ فَقُلْنَا لَهُمْ كُونُوا قِرَدَةً خَاسِئِينَ ﴿۶۵﴾ فَجَعَلْنَاهَا نَكَالًا لِمَا بَيْنَ يَدَيْهَا وَمَا خَلْفَهَا وَمَوْعِظَةً لِلْمُتَّقِينَ ﴿۶۶﴾

بیا مخ واړؤو تاسو روستو ددی لوظ نه پس که نه وی فضل د اللّه تعالٰی په تاسوباندی او مهربانی دهغه خامخاوی به تاسو دهلاک شوونه ﴿۶۴﴾
اوپه تحقیق شره پوهه ئی تاسو په حال هغه چاچه زیاتی ئی کړی ؤو (دحد شرعی نه) ستاسونه په ورځ د خالی کښی پس اوویل مونږدوی ته چه شئ شادوگان ذلیلان ﴿۶۵﴾
پس اوگرځوله مونږداقصه عبرت هغه چالره چه حاضر ووهغه وخت اوهغه چالره چه روستووو اووعظ دپاره دپرهیزگارانو (ددی امت) ﴿۶۶﴾

[۶۴] په دی آیت کښی دهغوی بی لوظی ذکر ده فضل د اللّه تعالٰی دادی چه مهلت ورکوی دعذاب نه (رَحْمَتُهُ) رحمة دهغه دادی چه توفیق دتوبی بعضی کسانولره ورکوی - دادوی دمشرانوپه باره کښی ده یامراد دفضل اورحمت نه قرآن اوآخری رسول رالیږل کشرانو ددوی ته دپاره ددی چه ایمان راوړی - (الْخَاسِرِينَ) مراددی نه هلاکت دی په عذاب ددنیا یا دجهنم سره -
[۶۵] په دی کښی ددوی بل خیانت ذکر کوی یعنی حیلی کول او هغه دوه قسمونه دی (۱) حیله کول په باره دحاصلولو دحرام څیزچه هغه واقعه دثبت ده (۲) اوحیله کول دباره داسقاط دواجباتو، دی حیلی ته په ذبح بقره کی اشاره ده او دهغی تفصیل په سوره اعراف (۱۶۳) کښی دی - په دی آیت کښی دلیل دی چه د اللّه تعالٰی احکامو کښی داسی حیله کول چه حرام شی حلالوی داناجائز ده لکه حیله سقاط مروجه شوه په دی زمانه کښی اوتفصیل ددی په تفسیر د احسن الکلام کښی اوگورئ په دی کښی اشاره ده چه حیله کول اعتداء ده - (فِي السَّبْتِ) دورځ دخالی یاپه باره دتعظیم دورځ دخالی کښی - (كُونُوا قِرَدَةً) دامسخ په حقیقت باندی بناده یعنی دمخ اوسرشکلونه ئی دشادوگانو په شان شول اگرچه نور دانسانیت صفت پکښی ؤو اودوی په دی باندی پوهیدل چه داعذاب دی (خَاسِئِينَ) یعنی نورکسانوذلیل گنړل او دځان نه به ئي بیرته شړل -
[۶۶] نکال هغه سزاده چه منع کوی چه داسی کاربیااونه شی یعنی دخال دورځی بی عزتی اونشی اوداخاص ده په بنی اسرائیلو پوری او (مَوْعِظَةً) منع کول دنورو حیلونه چه ددی په مثل وی اودا ددی امت دپاره دی چه هغوی ته ئي‌ متقین ویلی دی (بَيْنَ يَدَيْهَا) حاضر خلق، نزدی کلی (وَمَا خَلْفَهَا) غائب خلق اولری کلی -