وَإِذْ قَالَ مُوسَى لِقَوْمِهِ إِنَّ اللَّهَ يَأْمُرُكُمْ أَنْ تَذْبَحُوا بَقَرَةً قَالُوا أَتَتَّخِذُنَا هُزُوًا قَالَ أَعُوذُ بِاللَّهِ أَنْ أَكُونَ مِنَ الْجَاهِلِينَ ﴿۶۷﴾ قَالُوا ادْعُ لَنَا رَبَّكَ يُبَيِّنْ لَنَا مَا هِيَ قَالَ إِنَّهُ يَقُولُ إِنَّهَا بَقَرَةٌ لَا فَارِضٌ وَلَا بِكْرٌ عَوَانٌ بَيْنَ ذَلِكَ فَافْعَلُوا مَا تُؤْمَرُونَ ﴿۶۸﴾

اوکوم وخت چه اویل موسیٰ خپل قوم ته یقیناً اللّه تعالٰی حکم کوی تاسوته چه حلاله کړئ یو غوا - اُوئی دوی آیاته کوی مونږسره ټوقی، اویل موسیٰ علیه السلام پناهی غواړم په اللّه تعالٰی چه شم دناپوهونه ﴿۶۷﴾
اویل دوی دعا اوغواړه مونږلره د رب خپل نه چه بیان کړی مونږته څه عمردی ددی غوا؟ اویل موسیٰ علیه السلام یقیناً اللّه تعالٰی فرمائي: یقیناً داغوانه ده زړه، اونه ده نوی ځوانه ده - میانه حاله ده په مینځ ددی کښی ده پس اوکړئ هغه چه تاسوته حکم کیدی شی ﴿۶۸﴾

[۶۷] دادوهم خباثت ذکر کوی چه دوی په بهانوسره د اللّه تعالٰی احکام دځان نه گرځول دغوا دذبحی حکم په دی وجه دی چه دادبنی اسرائیلو معبود وؤ چه دوی ئی ذبح کړی نوددوی عقیده دتوحید به کلکه معلومه شی لیکن دوی دکمزوری دوجی نه چون چراشروع کړو اودی ته اشاره کړی ده ابن قیم په تفسیر کښی - چه واقعی دقتل دوجی نه امرپه ذبح دبقری سره اسرائیلی روایات دی اوابن کثیرلیکلی دی چه په دواړه واقعوکښی دڅلویښت کالو فاصله ده - او دغی آیت کښی اشاره ده چه په اللّه تعالٰی باندی دروغ جوړول لوئی جهل دی - اوانبیاء علیهم السلام دداسی جهل نه معصوم دی -
[۶۸] دا ددوی بهانی دی د روستو کولو دحکم دپاره - نو اللّه تعالٰی ورله حکم سخت کړو اودوی چه دکوم عجل عبادت کوو نوهغی کښی هم داصفات وؤ (لَا فَارِضٌ) هغه چه بوډی وی اوهمزولی ئي ختم شوی وی (بِكْرٌ) نوی ځوانه چه تراوسه پوری حمل ئی نه وی اخستلی - خالص وړه بچئ مرادنه ده - (عَوَانٌ) درمیانه عمروالا دفارض اودبکرپه مینځ کښی (بَيْنَ ذَلِكَ) یعنی پوره په مینځ ددواړو عمرونو کښی یوطرف ته نزدی نه وی -