قَالُوا ادْعُ لَنَا رَبَّكَ يُبَيِّنْ لَنَا مَا لَوْنُهَا قَالَ إِنَّهُ يَقُولُ إِنَّهَا بَقَرَةٌ صَفْرَاءُ فَاقِعٌ لَوْنُهَا تَسُرُّ النَّاظِرِينَ ﴿۶۹﴾ قَالُوا ادْعُ لَنَا رَبَّكَ يُبَيِّنْ لَنَا مَا هِيَ إِنَّ الْبَقَرَ تَشَابَهَ عَلَيْنَا وَإِنَّا إِنْ شَاءَ اللَّهُ لَمُهْتَدُونَ ﴿۷۰﴾ قَالَ إِنَّهُ يَقُولُ إِنَّهَا بَقَرَةٌ لَا ذَلُولٌ تُثِيرُ الْأَرْضَ وَلَا تَسْقِي الْحَرْثَ مُسَلَّمَةٌ لَا شِيَةَ فِيهَا قَالُوا الْآنَ جِئْتَ بِالْحَقِّ فَذَبَحُوهَا وَمَا كَادُوا يَفْعَلُونَ ﴿۷۱﴾ وَإِذْ قَتَلْتُمْ نَفْسًا فَادَّارَأْتُمْ فِيهَا وَاللَّهُ مُخْرِجٌ مَا كُنْتُمْ تَكْتُمُونَ ﴿۷۲﴾
اویل دوی دعا اوغواړه مونږلره درب خبل نه چه بیان کړی مونږته چه څه دی رنگ ددی غوا؟ اویل هغه یقیناً اللّه تعالٰی فرمائی یقیناً دا غواده زیړه تیزدی رنگ ددی خوشحاله وی کتونکولره ﴿۶۹﴾
اویل دوی دعا اوغواړه مونږلره درب خپل نه چه بیان کړی مونږلره چه څه (صفت) دی ددی غوا - یقیناً داغوا گډوډه شوه په مونږباندی - اویقیناً مونږکه اوغواړی اللّه تعالٰی خامخا رسیدونکی یو خپل مقصد ته ﴿۷۰﴾
اویل موسیٰ علیه السلام یقیناً اللّه تعالٰی فرمائی یقیناًدا غوا ده نه ده غاړه وتلی جوتی چه اړه وی ځمکه اونه ده ارټی چه اوبه کوی فصل - روغه مټه ده نیشته هیڅ داغ په هغی کښی اویل دوئ اوس دی راوړو بیان پوره - پس حلاله ئي کړه (پس دبیان نه) اونه ؤو نزدی چه داکارئی کړی وی (مخکښی دبیان نه) ﴿۷۱﴾
اوکوم وخت چه اووژلو تاسو یو کس پس مختلف شوی دهغه په باره کښی او اللّه تعالٰی ښکاره کوی هغه چه تاسوئی پتوئ ﴿۷۲﴾
[۶۹] داددوی دوهمه بهانه ده او اللّه تعالٰی هغه په جواب سره لری کوله (صَفْرَاءُ) بعضی مفسرینو ددی معنیٰ په توری سره کړی ده لیکن هغه قول ئی صحیح نه دی اوروستو فاقع هم دزیړدتاکید دپاره استعمالیږی -
[۷۰] په دی سوال په اعتبار دکارکولودهغه غواسره دی د (إِنْ شَاءَ اللَّهُ) دوئیلو برکت داووچه په راتلونکی بیان باندی ددوی تسلی اوشوه - په حدیث کښی راغلی دی که دوی انشاؤاللّه نه وې ویلی نواللّه تعالٰی دوی ته وضاحت به هیچری ویلی نه وې - نودانشاءاللّه په ویلو کښی ضروربرکات دی -
[۷۱] دی کښی اشاره ده چه دغواگانو دوه کارونه دی، ځمکه جوت کول، اواوبه کول اوهرچه سورلۍ کول یاباروړل په هغی باندی نوداظلم دی (مُسَلَّمَةٌ) روغه موټه ده یعنی اندامونه ئي روغ دی اورنگ ئی سالم دی (لَا شِيَةَ) داسی داغ چه دکارکولو دوجی نه شوی وی یاپه رنگ کښی مخالف بل رنگ - (بِالْحَقِّ) مراد ددی نه پوره بیان کول دی دادباطل مقابل نه دی (وَمَا كَادُوا يَفْعَلُونَ) یعنی روستو ددی بیان ئی ذبح کړله ورنه ددی بیان نه وړاندی دوی دهغی ذبح کولوته تیارنه وؤ دوجی د کچه عقیدی دتوحید نه -
[۷۲] دا دریم خباثت ذکرکوی چه نفس ئی قتل کړی وواوبیائی بل څوک بدناموَل نومطلب داشوچه گناه کول اونسبت بل چاته کول داخباثت دی - اودا دریم قسم دحیلی دی چه په حرام طریقی سره دچامال ته رسیدل یادهغه ښځه حاصلول دوی هم دقتل په ذریعه اوبیا دهغی نه دانکارکولو په ذریعه دخپل تره نه مال یا ښځه حاصلوله لکه چه مفسرینو داسی واقعه لیکلی ده -