تَبَارَكَ الَّذِي ۱۴۳۰ نُوْح
إِنَّا أَرْسَلْنَا نُوحًا إِلَى قَوْمِهِ أَنْ أَنْذِرْ قَوْمَكَ مِنْ قَبْلِ أَنْ يَأْتِيَهُمْ عَذَابٌ أَلِيمٌ ﴿۱﴾
یقیناً لیږلی وؤ مونږ نوح علیه السلام قوم دهغه ته چه ویره ورکړه قوم خپل ته وړاندی ددینه چه رابه شی په دوی باندی عذاب درد ناک ﴿۱﴾
ربط: ددی سورة ماقبل سره په ډیرو وجوهو سره دی اوله وجه داده چه مخکښی تخویف اخروی ذکر وؤ نوپه دی سورة کښی دتخویف دنیوی ذکرکوی - دوهمه وجه داده چه مخکښی سورة ملک کښی دعویٰ ذکروه او اتباع درسول او بیا تخویف اخروی ذکرشو نو اوس طریقه د دعوت ذکرکوی - دریمه وجه داده چه په سورة ملک کښی د اثبات توحید وؤ په عقلی دلیلونو سره بیا اثبات درسالت او تخویف اخروی ذکرشو نو اوس دلیل نقلی ذکرکوی د نوح علیه السلام نه -
دعویٰ د سورة:
بیان د طریقی د دعوت الی اللّه او تشیجیع ده په دعوت باندی سره د تخویف دنیوی نه په واقعه د نوح علیه السلام سره -
خلاصه ددی سورة:
اول، دعوت دنوح علیه السلام دی په دری اوامرو سره او دوه فائدی ئی ذکرکړی دی نو دا پنځه امورشول (۴،۳،۲،۱) کښی، دوهم مخالفت د قوم دهغه په پنځه طریقوسره په (۷،۶) کښی - دریم کیفیت ددعوت په اعتبارد وخت او د اوصافوسره په پنځه وجوهو سره په (۵) او (۹،۸) کښی - څلورم ترغیب توحید ته (استغفارته) په پنځه نعمتونوسره په (۱۲،۱۱،۱۰) کښی، پنځم اثبات د توحید په پنځه دلیلونو عقلیوسره د (۱۴) نه تر (۲۰) پوری - شپږم دشمنی کول قوم دهغه دده سره په پنځه طریقوسره د (۲۱) نه تر (۲۴) پوری - اووم دعوت د قوم د هغه عبادت د پنځه مبعودانو (ماسویٰ اللّه) ته په (۲۳) کښی - اتم دعاءِ شر (خیری کول) قوم ته چه مشتمل ده په پنځه امورو باندی په (۲۸،۲۷،۲۶،۲۴) کښی اوپه مینځ کښی سبب د عذاب دنیوی او اخروی ذکرشو په (۲۵) کښی - نهم دعا د مغفرت پنځه اشخاصوته په (۲۸) کښی -
[۱] اولنی رسول چه رد کوی په شرک دمشرکانو باندی نوح علیه السلام دی (أَنْذِرْ) انذار ویره ورکول دی د عذاب نه په سبب د انکار دتوحید سره نو د انذار معنیٰ دا چه دعوت د توحید اوکړه سره دتخویف د عذاب نه (عَذَابٌ أَلِيمٌ) عذاب دنیوی او اخروی دواړو ته شامل دی او راتلل دعذاب مشروط دی په شرط د انکار کولوسره -